E kantante di repúblika Checa, "Hana Horká", a fayesé despues di a pèrdè bataya kontra di Covid-19.1/20/2022 Segun e yu dje dama, e mama di 57 aña pa nada di mundu no kier a bakuna. Mirando ku ta un problema pa e por haña e pasport di salú, el a disidí kontagiá pa malu, pa asina e por tin anti kuerpo i dje manera aki logra tòg di haña e pasport. Pa su di malu, e vírùs a dal e fuerte i el a bin pèrdè su bida. E yu huntu ku su tata, si a bakuná i nan a rekuperá despues di algun dia. Algun otro famia dje kantante a rabia pisa, bisando ku inisiadónan ta hinka hende ku no ta bakuná den un huki paso sin e pasport, bo no por bishitá lugánan. Pa kolmo si bo pega i surpasá Covid-19, bo por haña pasport na e pais. Esaki ta un tentashon mirando ku vários hende ke bishitá nan lugá preferí i ta bai pega ku e vírùs pa malu ku tur e konsekuensianan su tras. E mundu di farándula na e pais ta di luto ku morto di Hana.
0 Comments
Leave a Reply. |
|